Caledonian Society of Sweden                  

Every month we will post a new poem selected by the Calsoc team to deliver some beautiful and inspiring Scottish prose to fill the hearts of all our Scottish/Swedish fellows with a bit of nostalgia.


August 2020 we have chosen Here’s a health to them that’s awa, a little bit overtly political showing Burns' Jacobite sympathies.


 



Here’s a health to them that’s awa.

Here’s a health to them that’s awa,

Here’s a health to them that’s awa;

And wha winna wish gude luck to our cause,

May never gude luck be their fa’!

It’s gude to be merry and wise,

It’s gude to be honest and true;

It’s gude to support Caledonia’s cause,

And bide by the buff and the blue.


Here’s a health to them that’s awa,

Here’s a health to them that’s awa,

Here’s a health to Charlie, the chief o’ the clan,

Altho’ that his band be sma’!

May Liberty meet wi’ success!

May Prudence protect her frae evil!

May tyrants and tyranny tine i’ the mist,

And wander their way to the devil!

Here’s a health to them that’s awa,

Here’s a health to them that’s awa;

Here’s a health to Tammie, the Norlan’ laddie,

That lives at the lug o’ the law!


Here’s freedom to them that wad read,

Here’s freedom to them that wad write!

There’s nane ever fear’d that the truth should be heard,

But they whom the truth would indite.

Here’s a health to them that’s awa,

Here’s a health to them that’s awa;

Here’s chieftain M’Leod, a chieftain worth gowd,

Tho’ bred amang mountains o’ snaw;

Here’s friends on baith sides o’ the Forth,

And friends on baith sides o’ the Tweed;

And wha wad betray old Albion’s right,

May they never eat of her bread!